Oh granni 'lluminista
chi lu capiddu spacchi
comu fa lu sufista
e tutti quanti attacchi;
un tempu antimafiusu
e poi contru lu statu
e sempri capricciusu,
cunfusu ed agitatu,
la to' parola campa
sulu pirchl chiremu
la libbirtà di stampa
veru beni supremu !
Pirò nun ha' a pinsari
chi soccu ti sunnasti
lu poi tu sciurinari
e ti nn'allibbittasti !
Prima cu li to' scritti
sfruttannu 'u comunista
cu tutti li prufitti
di veru opportunista
la mafia l'attaccasti ,
fincennuti 'mpignatu,
doppu ti la pigghiasti
tu cu lu magistratu
e cu la polizia
chi tantu hannu pacatu
pi pruteggiri a tia
picchl li to' diritti
d'autori e cittadinu
nun fussiru scufitti
e misi nno cistinu
pistati e dirilitti !
Vulisti 'u tirrurismu
propriu chiaru e lampanti
puzzavi d'estremismu
propriu malupinsanti,
ma quannu chi scuppiau
li manu ti lavasti
picchì ti spavintau
e distanza pigghiasti !
E poi, tuttu scantatu,
puru ti rifiutasti
d'appuggiari lu statu
e nno mezzu arristasti
comu lu triricinu
nna lu limbu carennu,
miu caru scribacchinu !
Ora ti vai mittennu
a ciancu a li mafiusi;
ti fa paura 'u mmernu
comu li friddulusi
caru scantatu eternu ! ?
Ormai t'emu caputu
e semu assai dilusi
nanu di Racalmutu :
tremi di li mafiusi,
e di li tirruristi
e lu 'mpignu sociali
dunni ti lu mittisti ?
Sutta di li stivali ?
|
e-mail -
