LI STORICHI CITATI

Mi ricia me' nannu 'Nzulu :
certi storichi citati
sunnu cchiù fasti di culu
chi di baddi smisurati !
E Cartaggini Didoni
certamenti la fundau
eVirgiliu è d'opinioni
chi pi culu nun schirzau !
E Lisciannuru lu granni
nni fundau tanti citati
sparpagghiati a vari banni
spissu a iddu addidicati,
ma cchiù d'una ad Efestuni
nni 'ntistau pi li scialati
chi si ficiru a mmucciuni
com'amanti depravati !
E purànchi Flaviu Adrianu
Antinopoli fundau
'n'on gran postu beddu chianu
e di statui l'adurnau
di l'amanti so' sirianu !
E Kurras a Gibbiddina
dunni prima scecchi e muli
arragghiavanu a' matina
'na citati di lu suli
rifundau cu l'arti fina
e pi simbulu ci misi
'na gran turri musicali
ch'ogni jornu d'ogni misi
ci la sona puntüali !