CHI LAMENTI ...

Chi lamenti ogni matina
chi fu 'letta Cicciolina :
si lamenta la signura
ch'ogni jornu a 'na cert'ura
fa curnutu lu maritu
cu 'ddu fustu di lu zitu
di la soru ! Chi famigghia !
P'un pallari di la figghia
chi s'a fa cu lu vicinu
e puranchi cu cucinu !
E chi fa 'sta Cicciolina ?
Si cci spogghia e si rimina;
metti 'n mustra lu so' corpu
a lu pubblicu ch'è porcu
e la paca pi talialla
mentr'è nura chi ci abballa !
Ma cu è cchiù depravatu
cu talia o cu è taliatu ? !
Ci nni sunnu debbutati
manciatari e scanazzati
e spallati a Cicciolina
picchi nura si rimina
mentri 'nveci nun spallati
a li latri 'ncarnazzati !