L'USCERI CUNTADINU

Quannu ch'era cuntadinu
si susìa sempri matinu
e partia pi la campagna
quannu chiovi chi si vagna
e s' 'u suli è 'na furnaci
'nno mezzjornu e jetta braci
e ti vagnanu i surura
sutt' 'a vampa da calura
e la fini da jurnata
trova 'a pasta priparata;
ch'è pulita so' mugghieri :
« Cicciu lavati li peri,
la cammisa è dda stirata
e la magghia arripizzata ! »
Beddu lisciu e pittinatu
si nni jia a lu sinnacatu,
si viri a i telegiornali :
tiggirui e puru locali,
tanti voti s'incazzava
e lu statu criticava!
A li reci; arirtirata
chì finisci la jurnata !
Ogni notti fa l'amuri
si nno mali si cunchiuri.
Ma da quannu fa l'usceri
iddu è sempri peri, peri,
avi tinta 'a digestioni
soffri puru di pressioni
sganca spissu lu 'talianu
'nna lu club democristianu
e fìrriannu comu un nigghiu,
carca 'u postu pi so' fìgghiu !