Salvatore Ingrassia



Finito di stampare
nel mese di
Dicembre 1987
dalla tipografia
Michele Abate
PACECO - TRAPANI

Archivio culturale di Trapani e della sua provincia
"RODEO SICILIANO" di Salvatore Ingrassia

precedente

pagina successiva

PRIMAVERA

E quannu s'arruspigghia primavera
mi pari un jocufocu di culura
chi rallegranu la cilesti sfera,
ma vinci ogni artificiu la natura
e c'è nall'aria 'na malia chi ddici
cu li ciuri, l'aceddi e la calura
chi propriu s'avi ad essiri filici
e chi veni l'estati 'un viri l'ura
pi jittari luntanu la cuperta
pi nescitinni di 'sti quattru mura
e gòriri la vita all'aria aperta!
Russi li papparini 'm mezz'all'ervi
e gianni e bianchi su' li margariti;
étta 'stu capputtazzu, a chi ti servi?
Fineru i tempi di li purmuniti !
Natura rinvirdisci e tu chi fai?
Gùstati 'sta staciuni 'm profumata
e scotula luntanu li to' vai !
Ora cumincia la vita bìata
di goritilla 'un ti scurdari mai!
Si spogghianu li beddi 'nna li spiaggi
li longhi jammi affusulati e lisci
vannu trippiannu li putri sarvaggi,
e l'occhiu gori e 'u disidderiu crisci
ed a quarcunu ci arresta 'nne àrgi,
ch'un su' cosi pi vecchi si capisci;
cuntintativi sulu di taliari
'sta bedda giuvintù chi nni ciurisci
e siddu aviti li mugghieri lari
annicchia fantasia vi l'abbillisci !


E-mail e-mail - redazione@trapaninostra.it