Niatri a menzannotti
d''u misi di Dicembri
lu vinticincu giustu
arricurdamu sempri:
Santìssimu Natali,
ogn'annu è cilibbratu
e chistu avvinimentu
nun veni mai scurdatu.
Curriti! O vui, curriti
a la Natività!
curriti a fistiggiari
Gesù nasciu già!
Dintra la manciatura
d''u voi e l'asineddu
è ddà chi lu truvaru
Gesù lu bammineddu.
Di li muntagni scìnninu
ammenzu a la jancura,
cu l'agnidduzzi e pècuri
na pocu di pastura.
Curri lu zappaturi
e curri l'urtulanu,
tutti, purtannu nsèmmula,
rijali nta li manu.
Chi paci nta lu cori!
O chi sirinità!
Giuisci pi stu fattu
tutta l'umanità.
Facemu l'auguri
scurdànnuni ogni mali,
fra nvasuneddu e n'àutru
dicemu: "Buon Natali!"
Però nun nni scurdamu
a tutti ddi mischini
chi passanu la vita
circannu tra li spini.
Ai tanti picciriddi
e tutta chidda genti
chi fra natali e festi
nun àvi propriu nenti.
declama: Alessandro Barone
Autore: Giuseppe Sammartano
|
NOTA BIOGRAFICA
Giuseppe Sammartano
Giuseppe Sammartano nasce a Catania il 2 gennaio del 1947 ma risiede a Paternò.
Ha iniziato a comporre versi nel 1983 quasi per gioco e da allora non ha più smesso.
La natura ha un ruolo importante nella sua poetica, infatti, proprio a lei ha dedicato gran parte delle sue composizioni.
Ama l'arte a 360° ed un'altra sua passione è la pittura.
Pure se partecipa da poco a concorsi e rassegne ha già ottenuto importanti riconoscimenti.
|
e-mail -
redazione@trapaninostra.it
