Com'è chi a tia ti spercia di schirzari,
avennu sti mpirugghi pi campari.
Famigghia e casa tu l'hâ mantiniri…
e chidda d'unni stai, s'avi a pacari.

'I robbi, 'i libbra, 'a scola pi to' figghi,
ti servi na casciata e n'âtru occhiali,
p''a machina, avisti a fari mbrogghi…
e si cuntentu puru si stai mali!

Tu campi sulu e sulu ti ni stai,
'a cuntintizza ti fa cumpagnia,
'a vogghia di babbiari 'un manca mai...
ti porti 'n cori: amuri e puisia.

C'è genti chi 'i pinzeri s'ha circatu,
picchì 'un avia propriu nent''i fari,
sintennusi nta "varca", ammaraggiatu...
cu scantu di finiri ô funnu 'u mari.

Vito Blunda 22/12/2007