Trapani Nostra.it - L'archivio della memoria di Trapani e provincia                                 
PER NON DIMENTICARE - PER NON DIMENTICARE - PER NON DIMENTICARE - PER NON DIMENTICARE - PER NON DIMENTICARE
Il Premio Letterario "ANTONINO VIA" è stato ideato e realizzato dal poeta Nino Barone in stretta collaborazione con Stefania Via
CON IL CONTRIBUTO DEL COMUNE DI TRAPANI, DEL COMUNE DI ERICE E DELL'UNIONE MAESTRANZE


COMPONENTI
DELLA GIURIA

Anna Burdua
Presidente
Direttrice Biblioteca
di Erice

Gino Adamo
Poeta

Alberto Criscenti
Poeta

Mattia Cavasino Badalucco
Poetessa

Giuseppe Ingardia
Giornalista pubblicista, cultore di tradizioni popolari, lingua
e poesia siciliana

Vito Lumia
Poeta e studioso della lingua siciliana

Beatrice Torrente
Poetessa


Finito di Stampare dalla
Tipografia GENNA
Settembre 2008

precedente
successiva
Premio speciale della giuria (sezione dialetto siciliano)
M'ISPIRA

M'ispira lu ventu c'annaca li fogghi,
l'alliscia, li scoti, li strogghi
e li straminìa comu pittiddi
pi l'aria e pâ via.
M'ispira lu suli ca fa affacciateddi,
s'infila 'nte casi, 'nta tutti li vaneddi;
asciuca filati di robbi stinnùti
e fa arrùssicari facciuzzi piatusi.
M'ispira lu focu c'abbrucia e distruggi,
ca duna caluri, ca coci e rivugghi,
ca svampa, scattìa e fa li faiddi
ca scintillìanu comu li stiddi.
M'ispira la me' terra ca è terra di focu
d'amuri e di odiu,
di tanti sapura e di milli culura,
di genti scialusa e assai ginirusa.
M'ispira lu scuetu ca fa 'nnamurari,
dda smania c'afferra e fa suspirari,
fa chianciri, ridiri, lu cori 'ncantari
e lu porta unni voli e lu fa cuntrastari.
M'ispira lu sonu di l'Avimmaria
ca 'nvita la genti e ci mustra la via
e annunzia la sira, la paci, lu riposu
e spiranzi d'amuri pi tutti li criaturi.
M'ispira la fami, la puvirtà
e la suffirenza di l'umanità;
m'ispira lu mari, lu firmamentu,
un filu d'erba, 'na spica di furmentu,
'na lacrima, un cantu, 'na risatedda …
lu scaccaniàri di 'na funtanedda.
Ma ch'ossai di tuttu m'ispira l'amuri,
ca a tutti sti cosi ci duna culuri,
ci duna vuci, ci porta puisìa;
nni duna paci e nni porta armunìa.
Si nun ci fussi stu sintimentu
la nostra vita fussi un turmentu;
povira e tristi dd'umanità
ca senza amuri nun sapi unni và!

Rita Elia
Termini Imerese (PA)


precedente
successiva

E-mail e-mail - redazione@trapaninostra.it