STRATI VECCHI, STRATI NOVI

Mi ricordu li strati
di li tempi passati
chini di purvirazzu
chi lu forti vintazzu
chi ciuciava du mari
cci lu facia vulari !
Ma poi nni 1'asfaltaru,
e lu pacamu caru;
fu sulu l'illusioni
di civilizzazioni
ch1 doppu li spunnaru
di novu; paru, paru
pi fari i fugnaturi
- nni rissi 1'assessuri ­
e poi l'arripizzaru
ed accussì 'ristaru.
Pacienza du Signuri;
avemu i fugnaturi !
Ma prestu riturnaru;
arré nni li spasciaru
pi fari l'acquidottu,
nell'annu settantottu,
e poi 1'arripizzaru
ed accussì ristaru !
Ma nun avìa finutu,
dopu quarchi minutu,
arré lu cumprissuri
chi di l'arba a vinturi
propriu ti li scassava !
A mia chi bistimiava
- mi rissiru: è lu gassi !
amicu si carmassi !
Ma chista 'unn è cchiù vita !
A la via Margherita
dopu circa tri misi
arré botti jò 'ntisi
e cci vaiu addumannu:
« ma chissi soccu fannu ?
Un marciaperi sì
e 'n autru no, picchì ?
Mi pari arripizzata
picciotti a mia 'sta strata ! »
E juntu mezzu pazzu :
«Megghiu lu purvirazzu»
mi misi a sbraitari
chi m'appiru a calmari !