La soggira è 'na serpa vilinusa
Chi d'unni azzanna unci pò miricina
Quannu unu è schettu quantu è ginirusa,
Quantu purmisi fà sira e matina
Quantu viruti porta la rugnusa
E poi di corpu sta gran malaspina
Appena chi lu iennaru è spusato
ci di sci a fari u crastu abbivirato.
Poi nun vi parlu di li gran traggeri
Chi urdi e chi trama a mai finiri,
Mittennu lu maritu e la mugghieri
Nda na ruvina chi nun si pò diri.
E sunn'avissi stanca di pinzeri
La menti mia pi lu gran patìri
Scrivissi ancora n'atri du palori
Pi diri quantu è ngrata e senza cori.
Ammia mi pari peggio di na iatta
chi si mangia li sò attusceddi
Primu li partirisci poi l'allatta
Poi quannu sunnu iunti rosuneddi
Pi la gran licchitati mori e scatta
Mangiannusi li so nuzzinteddi.
Pi quantu è disumana e scillirata
La morti ci vurria nda na nuttata.
O morti orva ma cunn'aviriti?
Pigghiativilla a cuè chi ci aspittati.
Siddu stu gran favuri mi faciti
Di sta ruvina ardenti mi livati
O morti bedda si vi la cugniti
Morti bidduna si v'acaricati,
Morti eccellenti scrivu e sempri cantu
Basta chi v'apurtati o campusantu.
Siddu stu fattu veru s'avverassi,
Cuntenti comu a mia nuddu sarissi;
Haiu un viteddu e a corpu lu scannassi,
Na gran festa subbitu fascissi
A tutti l'amici me l'ammitassi
Lu cchiù riccu di tutti mi sintissi
E si stu fattu s'avverassi ntuttu
Siddu chi mori nummi mettu luttu.
Ddoppu desci anni vinni na chiamata
Ch'era o spitali e chi stavia murennu.
Cuntenti iò fù sulu dda iurnata
Chi parlava sulu e ghia scrivennu.
O cara morti ti ringrazio tantu
E ti nni sugnu assai ricanuscenti
Chi ti purtasti abberu o campsantu
A sta me suggirazza puzzulenti
La morti pi sta donna vipirina
Ci vulia chiù stiornu chi dumani
Nda la me casa c'era na ruvina
Eramu sempri comu atti e cani.
Ma ora ch'è bedda e durvicata
Senza spiranza di risuscitari
Picchi fu misa sutta na bbalata
Chi mancu Diu ci la pò livari.
Mi pari chi rispiru ntra li sciuri
Tuttu lu munnu pari diffirenti
E arricivu tiligramma d'auguri
Discennu: Turiddu chi semu cuntenti.
Ora u viteddu lu poi scannari
E facemu da granni mangiata
Chi pi desci anni amu statu aspittari;
Ma idda ummorsi e ciappizzai a mangiata.
E allura un ghiornu sturiannu di menti
Datu chi l'avia sempri d'avanti
E ritinutu foddi di l'aggenti
Chi pi mmia fù un'alibi mpurtanti
Attaccu la scupetta nda ficara
La mettu appuntu cu la giusta mira
E un lazzu longu chi di rintra spara.
Apprufittannu poi di na sira
Mentri chi c'era un saccu di genti,
ldda si parti e v'accogghi li pira.
Tiru lu lazzu e la botta si senti
E poi li chianti li vusci e li ira.
Iò ammucciuni cogghiu lu lazzu
Pigghiu a scupetta dicennu: cu fù?
Porcu di giura sta vota l'ammazzu
Postu dintra se sacciu cu fù!
Poi la purtamu di cursa ospitali
La stinnigghiaru supra nda bbalata
E lu dutturi dissi: è veru mali
Nun c'è bisognu ch'è ricoverata.
Lu megghiu cunsigghiu chi vi ramu
Purtativilla di cursa e ncurrennu.
Ci rissi a me muggheri: la lassamu?
Datu c'ammumentu stà murennu?
Allura idda accorpu lu capiu,
E ccu l'occhi mi rissi (l'ammazzasti!)
Iò un pozzu fari nenti pensa Diu!
Assassinu comu l'a sturiasti!
Parlai cu Scibbilia l'appuntatu,
Ci retti setticentu mila liri
P'un tabbutu di cimentu armatu
Picchi ci dissi nun si pò sapiri
E dopu tri ghiorna vaiu a lu cimiteru
Però s'intenti pi curiusità.
E vi lu giuru chi fù un fattu veru
Mentri attintava 'ntisi diri Haaaaaaaaa
Ma chi fu fattu apposta stu tabbutu?
Ma chi lu fici ddu diggeneratu?
S'era di lignu astura avissi sciutu,
Diccà ummi movu! Arrestu piantunatu!
E passu la notti dintra un palummaru
D'unni ciavissi a ghiri me muggheri.
E al'nuumani vitti c'arrivaru
Un marasciallu e tri carrabbineri.
E lu sapiti d'unni mi purtaru?
A lu manicomiu e senza nterrogatu
Di l'omisciriu mancu ni parlaru
Mi dichiararu (foddi e pensionatu)
E sta soggira tinta
E un pueta riversu
Vannu abbrazzettu
Pi l'universu.
|