Mi sentu spissu spissu criticari
Di certi genti scecchi e gnurantuna
Chi mancu nsinu atri sannu cuntari.
Si cririrrianu dotti e sapintuna
C'attutti iddi vurrissinu mparari.
Senza però sapiri sti lampiuna
Chi fannu sempri fiuri di sumari.
Stu pugnu di vavusi e bastarduna,
Pila nda l'ova vurrissinu truvari.
E poi quantu su mi siri e tistuna
Mangu nna risposta sannu rari.
Nsostanza i pigghiu a tutti pi cafuna
E si ci pari stortu stu parlari
Appressu ci li rugnu cu furcuna.
|