Lu sacciu chi jò sugnu picuraru.
Ma lei scivili, dottu e sapintuni,
Siddu chi ci la diri beddu chiaru
Ncunfrontu a mia è misiru e tistuni.
Tutti sti scoli sai bruttu sumaru
Di chiddi mpasturati ndo margiuni,
Su tutti sordi chi ddu sò patruzzu
Pi aiutari a lei i ittau ndo puzzu.
Ristau gnuranti, frarisciu e cretinu.
La sò tistazza è dura comu azzaru.
E avi modi peggiu d'un facchinu
Chi carria e porta sempri a mmunnizzaru.
Piccatu quantu granu, ogghiu e vinu
Vinniu ddu sò patruzzu tantu caru
Pi dari sturiu a lei gran passuluni
Chi chiù chi stùria si fà chiù tistuni.
|