Ci risci un ghiornu l'apa a lu viddanu
Travagghi comu u sceccu e untinnadduni.
E chiddu c'arricogghi a manu a manu
Spannutu veni di lu scialaccuni.
Isti a la scola ma sturiasti nvanu,
Un t'hai mparatu ancora cun casciuni,
Sav'attuccari sempri cu nna manu
E cumannatu sempri d'un patruni.
Si t'ammirassi anticchia pun momentu,
Nda stu subblimi specchiu di natura
D'arti di stili e sintimentu
Tu t'imparassi a corpu addirittura.
La nostra liggi caru è un purtentu,
Li fughi li mannamu nsepultura.
Tu nvesci a chistu nun ci stai attentu
E ammazzi a tia stessu e la natura.
|