la locandina della rassegna organizzata da Nino Barone
Archivio culturale di Trapani e della sua provincia

PURU NIATRI PARLAMU 'N DIALETTU
1a rassegna natalizia di poesia dialettale

Manifestazione culturale dedicata ai bambini dai 4 ai 10 anni che declamano versi in dialetto di autori siciliani

l'autore Vincenzo Aiello

precedente

successiva

NATALI DI FACCIFARIA

La prima cosa ca la menti attrova
sintennu ammintuàri lu Natali
è 'u Bambineddu dintra 'a manciatura
mannatu n-menzu a niatri a pridicari.
Ca d'accussì dicisi 'u Patri Eternu
pi niatri prisirvarini d''u nfernu.

Ma stu pinzeri veni accuppunatu
spissuliddu d'autri pinzeri
unni la festa è sulu d''u palatu
liccunarìi nte piatta e nte bicchieri.
P'accuminciari c'un beddu sfinciuni
e a l'urtimu sciampagna e panittuni.

Priari? Ma chi è sta camurrìa
nun c'è mai tempu o picca si ni trova
ci abbàstanu 'i bizzocchi 'n-sagristia
c'asciùcanu lu sangu di li chiova.
E quattru vicchiareddi sempri dda
c'aspettanu c''a vita si ni va.

L'omu ca tuttu havi senza sforzu
e la so vurzitedda teni china
picca cci penza a li cosi di n-celu
e a li puvireddi senza pani.
E a tutti li so frati svinturati
di la matina a sira bummardati.

Si renni cuntu sulu siddu poi
nta la so strata la vintura 'u lassa
facènnucci addisiari chiddi cosi
c'anfina a prima avìa mussa-mussa.
Scantatu allura li so manu junci
e prija a Diu ca la so sorti canci.

E lu Signuri ca sti cosi vidi
assuppa-assuppa e cchiù si renni cuntu
ca l'omu è nsalanùtu e picca cridi
e d''ì so' liggi cchiù nun teni scantu.
E lu Natali di faccifarìa
è chinu di fausi santi e nuddu prija.

Declamano: Giorgio Triolo - Pietro Frusteri - Federico Messina - Roberto Campaniolo
Autore: Vincenzo Aiello
NOTA BIOGRAFICA
Vincenzo Aiello

Vincenzo Aiello è nato a Bagheria (PA) il 24 marzo 1957. Impiegato alle Ferrovie dello Stato dedica gran parte del suo tempo libero alla famiglia e alla poesia. Dal 2004, desideroso di far conoscere i propri componimenti ad una più vasta e qualificata critica, inizia a partecipare a concorsi nazionali ed internazionali riscuotendo risultati eccezionali, infatti le sue opere sono state premiate ovunque. È presente in diverse antologie e ricopre la carica di segretario al "Circolo Culturale Giacomo Giardina" di Bagheria.






E-mail e-mail - redazione@trapaninostra.it