St'acqua,
chi di st'occhi si nni scinni...
sacciu di unni veni
e puru picchì vinni.
E già, stu jornu è Natali
er' è na granni festa.
E a mia tanti pinzeri
mi nfruscanu la testa.

Lu stari sulu è tintu,
luntanu d'ogni affettu...
e pari un trenu 'u cori
chi sbatti ntô me pettu.
Cu è sulu senti friddu
puru s'è mezz'austu,
ma 'u cauru chi ni servi
è sulu chiddu giustu.

Spissu nun si capisci
di quantu sia mpurtanti...
ma vi sintiti megghiu
facennu beni a tanti.
Allura, pi sti festi,
pinsati a cu è ch'è sulu,
picchì un gestu d'amuri
vi fa tuccari 'u celu.

Vito Blunda 25/12/2007