Li sfinci su' vuccuna dilicati
chi a niatri dannu sulu gran piaciri,
mentri su' cauri vannu manciati...
e, comu 'i cirasi, 'un ponnu finiri.

Cu amuri e cu sururi su' mpastati,
'u preu è mancialli nzemmula a l'amici,
c"u zuccaru e cannedda cuppunati...
hannu un sapuri chi ni fa filici.

Su' beddi quannu natanu nta l'ogghiu
chi baccariannu a tutti l'accarizza,
pi 'un arristari bianchi com'un gigghiu

ci duna lu culuri e la ricchizza;
abbasta c''un si nni cala 'u vugghiu...
aspettu pi tastari sta rarizza.