LU CARUSU

Lu me carusu è fattu di crita
cu lu biddicu mezzu na spaccazza,
ci sarvu ddocu cocci di munita
di ogni tipu e di ogni razza.

L’abbuccu cu li me stessi manu,
iddu è la banca di lu me sparagnu
e finu a quannu arresta ancora sanu
tegnu cuntu di lu me’ guaragnu.

Avi vint’anni e ancora un s’agghincutu,
cara è la vita e tanti su’ li guai,
m’aiu sciancatu comu aiu pututu
pinzannu chiddu c’un si sapi mai.

Quannu pi sordi sugnu dispirata
vaiu a la crirenza e ti taliu,
aspettu sempi qualchi bona annata
e chi sì sanu ancora nun ci criu.