LUCI E’ VITA

La Chesa è casa dunni nesci meli,
cu l’altari davanti di lu tronu
arrivanu li prieri nta li cieli
e di lu cantu nostru resta tonu.
Lu Patri dici a missa e mai taci,
spissu nni parla di bona crianza,
nto munnu nun ci sarà mai paci
si nun c’esti amuri e fratillanza.
Ddu santu chi lassa sti paruleddi
riposa nta ddi rosi senza spini
e dunni ci su’ libbrusi e malateddi
matri Teresa l’aiutava a sti mischini!
E sia li Viscuvi sia u Papa e sia i pasturi
nun stancanu di darini cunsigghi,
nn’ arraccumannanu cu granni arduri
di nun perdiri u valuri di famigghi.
Vurrissi iu sarvari chistu munnu
cu sti paroli di sta puisia:
VI GIURU CHI PROPRIU mi cunfunnu
pi tuttu chiddu ch c’è pi la via.
E nta sta terra tantu marturiata
misi comu a Cristu nta la Cruci
spiriamu Diu nni rapi bona strata
e dumani agghiurnari na gran luci.