LA PILA PI LA VARI

Quannu si mittia li robbi a cuffinu,
pi lavari si susia matinu
pi ’un si vagnari un grossu falaruni
e ntesta s’attaccava un murriuni.

Davanti la pila sempri calata
lavava cu la cinniri culata,
nta lu stricaturi abbìa di stricari
pi putiri li robbi lordi annittari.

Facia nna pilata a chiddi a culuri
e chiddi bianchi li ittava a lu suli;
ddi robbi ci vinianu tanti beddi
bianchi e puliti comu palummeddi.

Ora chi cumanna la lavatrici
semu cunfusi si si nni va la luci,
perciò turnamu a fari comu na vota,
s’ ’un vulemu l’Italia ruvinata.