Lu figghiu to è gran travagghiaturi,
luntanu di tia, 'u sai, chi spinna e mori;
tra negghia e nivi spanni lu suduri,
ti penza spissu, squagghia lu so cori!
Bedda, Sicilia mia, chi si po fari
pi tèniri sti figghi a li to' peri?
Di lu to suli nun l'alluntanari
e mancu di li matri e li muggheri!
Stanchi li vrazza pi li troppu stenti,
cuntinuamenti prija lu "Supremu"
mannànnuti lu cori so scuntenti.
E quannu veni 'a festa di Natali
talìa lu celu d'àutri cuntinenti
e pi turnari s'addisiassi l'ali.
declama: Sofia Carena
Autore: Palma Mineo
|
NOTA BIOGRAFICA
Palma Mineo
Palma Mineo è nata a Trapani il 23 agosto 1937, dipendente statale in pensione scrive poesie sia in dialetto che in italiano.
Dal 1986 fa parte del Gruppo Poetico Regionale "San Michele" ed ha partecipato ad innumerevoli concorsi e rassegne ottenendo prestigiosi riconoscimenti.
È presente in diverse antologie e presto porterà alle stampe la sua prima raccolta personale.
|
e-mail -
redazione@trapaninostra.it
