Natali, festa di lu munnu 'nteru,
lu jornu di la nascita di Cristu;
ognunu ci àvi 'u cori chiù sinceru
e tutta sta buntà nun s'à mai vistu.
La so magia si senti a tutti banni,
ti fà spirìri la malincunìa;
prisepi, luci, è propiu festa granni
e regna sulu paci ed armunìa.
La genti, s'organizza la manciata,
cu tutta la famigghia ch'è riunita
attornu a na gran tavula cunzata
di la spicialità chiù sapurita.
Annunzia la campana:"E' menzannotti!
Cu' grapi li regali e stappa 'u vinu;
cu' pi l'agguriu adduma scattabbotti;
ma nuddu parra di Gesù Bambinu.
declamano: Alessio Marino - Giordano Pipitone - Flavia Campo - Sabrina Virgilio
Autore: Giuseppe Gerbino
|
NOTA BIOGRAFICA
Giuseppe Gerbino
Giuseppe Gerbino, giovane poeta castellammarese, insegnante e nuova rivelazione nel campo della poesia dialettale.
Scrive da quando era un bambino con una passione che col tempo lo ha portato a raggiungere ottimi risultati.
Impulsivo, vulcanico; le sue opere sono state apprezzate e premiate in svariati concorsi e rassegne, infatti,
ha conquistato in poco tempo un posto rilevante nel panorama letterario siciliano.
Insegue un sogno e cioè quello di valorizzare e diffondere la cultura siciliana e presto pubblicherà la sua prima raccolta di poesie.
|
e-mail -
redazione@trapaninostra.it
